Polşanın ən yaxşı özəl universiteti - VIZJA

VIZJA Universiteti nüfuzlu QS Europe University Rankings 2026 reytinqində Polşada ən yaxşı özəl universitet kimi tanınmışdır. Bu nəticə universitetin özəl ali təhsil sektorunda müasir və dinamik inkişaf modelinə sahib olduğunu, eyni zamanda Avropa akademik məkanında mövqeyini getdikcə daha da möhkəmləndirdiyini göstərir.

QS Europe University Rankings 2026 ümumi təsnifatında VIZJA Universiteti aşağıdakı nəticələri əldə etmişdir:
- Polşada özəl universitetlər arasında 1-ci yer
- Polşa üzrə ümumi siyahıda 21-ci yer 
- Şərqi Avropada 68-ci yer
- Bütün Avropa universitetləri arasında 531–540 intervalında yer
Bu göstəricilər universitetin regionun əhəmiyyətli akademik mərkəzlərindən biri olduğunu və müasir Avropa universitetləri sırasında mövqeyini ardıcıl şəkildə gücləndirdiyini təsdiqləyir. Məlumat VIZJA Universitetinin rəsmi saytına istinadən təqdim edilmişdir.

Reytinq nəticələrinin ətraflı təhlili göstərir ki, VIZJA Universiteti xüsusilə iki strateji istiqamət üzrə yüksək nailiyyətlər əldə etmişdir. Beynəlmiləlləşmə sahəsində universitet Polşanın ən yüksək qiymətləndirilən özəl ali təhsil müəssisələri sırasındadır. Xarici tələbə və akademik heyətin yüksək payı, ingilis dilində tədris olunan proqramların geniş seçimi və beynəlxalq əməkdaşlığın intensivliyi bu uğurun əsas amilləridir. Multikultural akademik mühit universitetin inkişaf strategiyasının mühüm hissəsinə çevrilmiş və onun Avropada artan tanınmasına töhfə vermişdir.

Universitet eyni zamanda “Citation per Paper in Research and Discovery” göstəricisi üzrə də olduqca yüksək nəticə əldə etmişdir. Bu göstərici universitet alimlərinin elmi nəşrlərinin beynəlxalq akademik mühitdə təsirini və görünürlüğünü əks etdirir. Elmi məqalələrin artan istinad göstəricisi VIZJA Universitetinin tədqiqat fəaliyyətinin keyfiyyətinin və əhəmiyyətinin Avropa səviyyəsində yüksəldiyini göstərir və onun qlobal elmi mübadilədə fəal iştirakını təsdiqləyir.

QS Europe University Rankings universitetlərin fəaliyyətini 12 ölçülə bilən göstərici əsasında qiymətləndirir. Bu göstəricilər tədqiqat fəaliyyəti (nəşrlər, istinadlar, beynəlxalq elmi əməkdaşlıq və şəbəkələr), beynəlmiləlləşmə və mobillik (xarici tələbə və akademik heyətin payı), tədrisin keyfiyyəti və resurslar, akademik və işəgötürən reputasiyası, eləcə də əmək bazarı və sosial-iqtisadi mühitlə əlaqələri və.s əhatə edir. Bu əhatəli metodologiya QS reytinqini Avropa universitetləri üçün ən nüfuzlu və etibarlı istinad mənbələrindən birinə çevirir.

Polşada özəl universitetlər arasında lider kimi tanınmaq VIZJA Universiteti üçün yalnız nüfuzlu bir göstərici deyil, həm də müasir, beynəlxalqlaşmış və tədqiqat yönümlü ali təhsil modelinin Avropa təhsil bazarında uğurla rəqabət apara bildiyini sübut edir. Universitet dünyaya açıq, beynəlxalq elmi mühitdə aktiv iştirak edən və tələbələrə ən yüksək Avropa standartlarına uyğun təhsil təqdim edən ali təhsil müəssisəsi kimi öz mövqeyini ardıcıl şəkildə gücləndirməyə davam edir.

Əgər siz də VIZJA Universitetində təhsil alaraq beynəlxalq akademik mühitin bir parçasına çevrilmək istəyirsinizsə, Azərbaycanda rəsmi nümayəndə olan Apply-Uni`yə müraciət edə bilərsiniz. Bizimlə əlaqə saxlayaraq fərdi konsultasiya ala və VIZJA Universitetində təhsil imkanları haqqında ətraflı məlumat əldə edə bilərsiniz.

Ətraflı məlumat üçün:
WhatsApp:  +99470-527-10-40
İnstagram:  Apply_Uni