Macarıstanda Təhsil - Miskolc Universiteti

Miskolc Universiteti Macarıstanın şimalında yerləşən, köklü akademik ənənələri müasir Avropa təhsil sistemi ilə birləşdirən nüfuzlu dövlət universitetidir. XVIII əsrə gedib çıxan zəngin tarixi ilə universitet bu gün mühəndislik, iqtisadiyyat, hüquq, humanitar elmlər, səhiyyə və incəsənət daxil olmaqla geniş ixtisas spektri üzrə yüksək keyfiyyətli ali təhsil təqdim edir.

Miskolc Universiteti bakalavr, magistratura və doktorantura səviyyələrində 300-dən çox təhsil proqramı təklif edir. İngilis dilində tədris olunan ixtisaslar beynəlxalq tələbələr üçün geniş akademik imkanlar yaradır. Təhsil prosesi müasir və tətbiq yönümlü metodlara əsaslanır; güclü elmi-tədqiqat infrastrukturu və innovativ laboratoriyalar tələbələrin nəzəri biliklərini praktik bacarıqlara çevirməsinə şərait yaradır. Universitetin sənaye müəssisələri, biznes strukturları və tədqiqat institutları ilə sıx əməkdaşlığı tələbələrə real layihələrdə iştirak, təcrübə proqramlarına qoşulma və gələcək karyeraları üçün möhkəm təməl formalaşdırmaq imkanı verir. Avropa və beynəlxalq layihələrdə fəal iştirak, eləcə də xarici universitetlərlə əməkdaşlıqlar tələbələrin qlobal akademik mühitə inteqrasiyasını təmin edir.

Qeyd etmək istərdik ki, Miskolc Universiteti THE World University Rankings 2026 çərçivəsində beynəlxalq akademik reytinqlərdə yer alır. Sahələr üzrə nəticələrə əsasən universitet təbiət elmləri üzrə 1001–1250, mühəndislik üzrə isə 1251+ aralığında mövqe tutur, ümumi sıralamada isə 1501+ intervalında qərarlaşaraq qlobal ali təhsil mühitində tanınan universitetlər sırasında olduğunu bir daha təsdiqləyir.

Həmçinin yaşıllıqlar içində yerləşən müasir kampus tələbələr üçün rahat və təhlükəsiz təhsil mühiti yaradır. Kampus ərazisində fəaliyyət göstərən kitabxanalar, tədqiqat mərkəzləri, komfortlu yataqxanalar, idman və sosial məkanlar tələbə həyatını həm akademik, həm də sosial baxımdan balanslaşdırır. Tələbələr dərsdənkənar vaxtlarını idman, mədəni tədbirlər və tələbə klublarında fəal şəkildə keçirərək dolğun universitet həyatı yaşayırlar.

Qəbul prosesi beynəlxalq tələbələr üçün mərhələlər əsasında həyata keçirilir. Namizədlər bakalavr, magistratura və doktorantura proqramlarına akademik göstəricilərinə, dil biliklərinə və seçdikləri ixtisasın qəbul tələblərinə uyğun şəkildə müraciət edirlər. Müraciət prosesi 1 noyabr 2025-ci il tarixindən 31 iyul 2026-cı il tarixinədək davam edir. Bu müddət ərzində namizədlər müraciətlərini tamamlamalı, tələb olunan sənədləri sistemə yükləməli və qəbul prosedurunun bütün mərhələlərini vaxtında yerinə yetirməlidirlər.

Azərbaycanlı tələbələr və abituriyentlərin müraciət prosesinin daha planlı və ardıcıl şəkildə həyata keçirilməsi məqsədilə Apply-Uni xaricdə təhsil şirkəti bu istiqamətdə namizədlərə dəstək göstərir. Miskolc Universitetinin Azərbaycanda rəsmi nümayəndəsi olaraq namizədlərə proqram və ixtisas seçimi, sənədlərin hazırlanması və sistemə yüklənməsi, universitetə müraciətin tamamlanması, viza prosesi və universitetə yerləşmə mərhələlərində peşəkar müşayiət təqdim edir. Rəsmi nümayəndə statusu universitetlə birbaşa əlaqə və dəqiq məlumat axını təmin edərək müraciət prosesinin qaydalara uyğun və vaxtında aparılmasına şərait yaradır. 

Qeyd: Rəsmi qəbul ofisi olaraq tələbələrimizə təhsil haqqına 30% endirim imkanı və 1 semestr üçün 650 avro olan yataqxanalar təqdim edə bilirik ki, bu da onların ali təhsilə daha əlçatan şəkildə başlamasına şərait yaradır.
 

Qəbul prosesi ilə bağlı daha ətraflı məlumat almaq üçün əlaqə saxlaya bilərsiniz.

WhatsApp:  +99410-527-10-40
İnstagram:  Apply_Uni